तू माझी आजी आणि मी तुझी नात...

तू माझी आजी आणि मी तुझी नात
हे तर मला ठाऊक आहे जन्मजात...

पण आजकाल कधीकधी वाटते -
मी तुझी आजी आणि झाली आहेस तूच माझी नात!

बटाटेवड्यांचा जेव्हा तू धरतेस हट्ट -
मी म्हणते, "अग, कालच पोट होते ना थोडे डब्ब?"

तुला लागतो kindle वरचा largest font निर्विवाद
आणि माझी fav आहे पाटी पेन्सिल - तुझ्याशी साधण्यास संवाद...

म्हणूनच आजकाल कधीकधी वाटते -
मी तुझी आजी आणि झाली आहेस तूच माझी नात!

तू वाचतेस Obama आणि Fountainhead
मी तुझ्यासाठी आणते - दैनंदिन उपासना, गाथा आणि दासबोध!

तुला हवी असते मिनीबाकरवडी, चकली व भेळ
मी म्हणते, "आपण खाऊयात पोहे, दूध आणि केळ..."

अशा वेळी वाटते -
मी तुझी आजी आणि झाली आहेस तूच माझी नात!

पण तू अस्वस्थ असताना, तुला काही त्रास होत असताना सुद्धा
जेव्हा तू विचारतेस, "आज इथे झोपशील,
तर सापडेल ना extra पांघरूण-उशी ? "
मला जाणवते तुझ्या मनातील केवढी ती काळजी!!

जेव्हा तुला फुंकून भरवताना घास, तू पटकन म्हणतेस कशी -
"अग गरम आहे, भाजेल तुला- खाली धार एखादी बशी..."

तेव्हा एकदम जाणवते -
तुझ्या एवढी माया, तुझ्या इतके प्रेम,
तुझ्यात असलेला एवढा जिव्हाळा -
खरच, नाही ग माझ्या पाशी - कशी होईन मग मी तुझी आजी!
आणि मग वाटते बरेच झाले -
 आहे मीच तुझी नात आणि तूच माझी आजी!

 ~Written on 1st Oct 2017 #Original

...मैत्री ...

Its never been this long since I took a break from blogging - and when I don't create "stuff" - I tend to create "trouble" (more so for the people around me, than myself ;) ) :P  - so hope I get back to posting more frequently :)

I have spent the better part of the weekend catching up with and pestering my friends :D
And I know Friendship Day is still a few months away, but I am sure they will hear me out :)

Rattling off...

कधीतरी - अचनाकच -
एखादी दुखरी - खुपरी जखम दाखवून,
"फुंकर मारशील का जरा?", असे हक्काने विचारावे
आणि हातातील काम टाकून -
त्याने ही अलगद गोंजारवे ...
...अशी फुंकर म्हणजे मैत्री...

कधीतरी - अचनाकच -
गमती - जमतीत, हसता - हसता डोळ्यांत पाणी तरळावे,
आणि विनाकारण रडू कोसळावे -
कारण कळून त्याने लगेच - "होते मलाही असे कधीतरी" म्हणत अश्रू पुसवेत
...अशीच गंमत म्हणजे मैत्री...

कधीतरी - अचनाकच -
चालता चालता ठेचकाळावे - आणि धडपडायच्या अगोदर -
त्याने लगेच सावरावे
...अशी जागा म्हणजे मैत्री...

कधीतरी - अचनाकच -
कॅंटीन मधल्या लोणच्याची फोड चाखावी,
आणि जिभेवर रेंगाळावी त्याच्या डब्यातल्या लोणच्याची चव
...अशी फोड म्हणजे मैत्री...

कधीतरी - अचनाकच -
बदलांना सामोरे जाताना - उडावा थरकाप,
पुढचे सगळे धूसर - अंधूक - कसा करावा प्रवास?
पाठीवर देत थाप, त्याने म्हणावे - "चल की - बघतोयस कशाची वाट?"
...अशीच थाप म्हणजे मैत्री...

अशीच फुंकर - अशीच गंमत,
अशीच जागा - अशीच फोड,
अशीच थाप - कायम देणार्‍या माझ्या सगळ्यांना -
"I miss you, यार"

~Written on 19th June 2017 #Original